Исроил самолётлари Суриядаги Алеппо халқаро аэропорти яқинига ракета зарбаси берди. Бу ҳақда Al Jazeera хабар берди.
Сурия Мудофаа вазирлигининг маълум қилишича, ҳужум Ўрта Ер денгизидан амалга оширилган.
“Исроил маҳаллий вақт билан соат 03:55 да Ўрта Ер денгизи томонидан бир неча ракета зарбалари бериб, Алеппо халқаро аэропорти ҳудудига ҳужум қилди”, — дейилади хабарда.
Ҳужум оқибатида Сурия аэропорти моддий зарар кўрган. Исроил томони ҳозирча воқеа юзасидан изоҳ бермади. Сурия Транспорт вазирлиги етказилган зарар туфайли Ҳалаб халқаро аэропорти фаолиятини тўхтатганини маълум қилди. Барча рейслар Алепподан Дамашқ ва Латакия аэропортларига йўналтирилган. Ҳужум оқибатида учиш-қўниш йўлаги ва навигация ускуналари зарар кўрган.
Изоҳ (0)