Бухорода ОИВга чалинган қиз бегона эркаклар билан жинсий алоқада бўлгани аниқланди

Бухоро шаҳрида 2002 йилда туғилган ОИВга чалинган қиз бир нечта эркак билан жинсий алоқада бўлгани аниқланди.

Маълум бўлишича, фуқаро Қ.С. 2018 йил 18 май кунидан Андижон вилояти ОИТСга қарши курашиш Маркази томонидан ОИВ инфекциясини юқтириб олган шахс сифатида рўйхатга олинган.

У 2023 йил 12 мартдан 13 мартга ўтар кечаси Ромитан туманида жойлашган чўл зонасида ўзида ОИВ инфекцияси борлигини олдиндан билган ҳолда 3 эркак билан бир неча маротаба жинсий алоқада бўлиб, касалликни бошқа шахсларга юқтириш хавфи остида қолдириш жиноятини содир қилган.

Ҳозирги кунда ушбу аёлга нисбатан Жиноят кодексининг 113-моддаси (Таносил ёки ОИВ касаллиги/ОИTСни тарқатиш) 4-қисми билан жиноят иши қўзғатилиб, эҳтиёт чораси сифатида қамоққа олинган. Унинг яна қаерда, кимлар билан яқин муносабатларга киришганини аниқлаш юзасидан тезкор суриштирув ва тергов ҳаракатлари олиб борилмоқда.