Садир Жапаров Қирғизистон халқини Наврўз билан табриклаш чоғида мамлакатнинг захирадаги олтинлари нимага сарфланиши ҳақида маълумот берди.
Қирғизистон президентининг сўзларига кўра, бюджетни тўлдириш бўйича олиб борилаётган ишлар билан бир қаторда, ҳокимият тармоқларининг биргаликдаги мувофиқлашуви мустақил Қирғизистон тарихида ҳеч қачон кузатилмаган олтин захираларини тўплаш имконини берди.
“Бюджетни тўлдириш бўйича ишлар билан бир қаторда ҳокимият тармоқларининг биргаликдаги мувофиқлашуви мустақил Қирғизистоннинг бутун тарихида бўлмаган бундай ҳажмдаги олтин захираларини тўплаш имконини берди. Биз уларни кутилмаган ҳолатлар учун стратегик захира сифатида сақлаймиз”, — деди президент.
“Қумтор” конида қазиб олинган олтиндан фойдаланиш ҳолатини текшириш бўйича депутатлик комиссияси бир неча кун аввал ўз фаолияти ҳақида ҳисобот берди. Унга асосан, ҳеч қандай қонунбузилиш ҳолатлари аниқланмаган. Комиссия раиси Арсланбек Малиевнинг сўзларига кўра, Миллий банк омборхонасида 43 тонна 444 килограмм 13 грамм олтин бор. Яна 1362 килограмм олтин Қирғизистон Миллий банкининг контрагентида — Швейцария банкида сақланади.
Изоҳ (0)