Тошкент вилояти Паркент туманида дам олишга бориб, кучли ёмғир оқибатида адирликда қолиб кетган 47 киши ва 13 та машина пастга олиб тушилди. Бу ҳақда ФВВ ахборот хизмати хабар берди.
Хабарга кўра, 20 март куни соат 19:30 да Тошкент вилояти Фавқулодда вазиятлар бошқармасига фуқаролар томонидан хабар келиб тушган. Паркент тумани Қизилтоғ шаҳарчаси атрофидаги адирликларга ўз автомобилларида дам олиш мақсадида борганлар кучли ёмғир ёғиши натижасида адирликларда қолиб кетгани ва пастга туша олмаётганини айтиб, ёрдам кераклигини маълум қилган.
Қайд этилишича, айтилган манзилга зудлик билан қутқарувчилар 7 та махсус техника билан етиб бориб, қидирув-қутқарув ишларини олиб борган. Амалга оширилган тезкор саъй-ҳаракатлар натижасида қутқарувчилар томонидан дам олувчиларнинг 13 та машинаси ҳамда 47 нафар фуқаро хавфсиз жойга олиб тушилган.
Юзага келган вазият оқибатида ҳалок бўлган ва тан жароҳати олган фуқаролар йўқ.
Изоҳ (0)