Сирдарё вилояти Гулистон шаҳрида “Конституция ўзимизники” шиори остида Конституциявий қонун лойиҳаси бўйича тарғибот тадбири ва концерт-шоу дастури бўлиб ўтди. Унда машҳур санъаткорлардан Матёқуб Матчонов ҳам иштирок этиб, Мустақиллик у учун 2016 йилдан бошланганини айтиб, бунинг сабабини тушунтирди.
Тадбир давомида Конституцияга киритилаётган янгиликлар тўғрисида, шунингдек референдум ўтказиш тартиби, унда иштирок этиш бўйича ҳуқуқий тушунтиришлар берилди.
.jpg)
Матёқуб Матчонов инсон қадри топталган давр, бундан бир неча йил илгари туҳмат билан, кўчадаги ‘столба’ни ҳам олиб бориб қамайдиган пайт бўлганини ёдга олди. Санъаткор шундай пайтларда униям олиб бориб тиқиб қўйишганини айтди.
.jpg)
“Санъаткор бўлсам, озгина тижорат билан шуғулланган пайт бўлган. Нега қоронғи “подвал”да ўтирибман, деб сабабини сўрасам, айбим уларни таъбири билан айтганда, ‘не тo’ одам билан шерик бўлганим. Бир ярим ой Гвардейский деган жойда ўтирдим. У ерда кўрганларимни душманимнинг душманига раво кўрмайман. Сабаби у ерда ҳаттоки ҳайвон сифатида ҳам мурожаат қилишмасди. Ваҳоланки, инсоннинг айбдорлигини, инсоннинг гуноҳкорлигини суд ҳал қилади”, — деди санъаткор.
У терговга қарши изоляторда бўлгани, у ерда инсонни айбини исботлай олишмаса-да, хўрлашганини қайд этди. Матчонов ҳаттоки ўзини қурбон қилишга тайёр бўлгани, хўрлик, таҳқирликка гувоҳ бўлган одам ҳамма нарсага тайёр бўлишини айтди.
”Шу бир ой ичида судгача бўлган жараёнда жон таслим қилсам керак, деган хаёлга ҳам бордим. Наҳотки инсонни инсонлар шу даражада таҳқирлаши, хўрлаши мумкин? деган савол бор эди. У пайтда мумкин экан. Чунки бу нарса қонунимизда, қомусимизда белгиланмаган экан. 2016 йил ҳурматли президент мени озод қилди, ноҳақ қамалганимни исбот қилди. Мен учун ҳақиқий мустақиллик 2016 йилдан бошланган. Буни истаган жойда баралла айтоламан”, — деди у.
Матчонов тадбир иштирокчиларига 30 апрелда референдумда қатнашиб, овоз беришини айтди ва референдум жараёнида бефарқ бўлмасликка чақирди.
Изоҳ (0)