Uzbekistan Airways 2022 йилда 12,3 трлн сўм даромад кўрди. Бу ҳақда Давлат активларини бошқариш агентлиги маълумотларида қайд этилган.
Компания даромадлари 2021 йилда 6,3 трлн сўм сўм бўлган эди. Шу тариқа жорий йилда Uzbekistan Airways даромади 2022 йилда қарийб икки баробар кўпайди. Молиявий фаолиятдан олинган даромадлар эса 1,5 тлрн сўмни ташкил қилган (2021 йилга нисбатан уч баробар кўп).
2022 йилда авиакомпания харажатлари ҳам деярли икки баробар ошган — 4,9 трлн сўмдан 9,2 трлн сўмгача.
Uzbekistan Airways’нинг 2022 йилги соф фойдаси 294,2 млрд сўмни ташкил қилган. Бу 2021 йилги 53,8 млрд сўмга нисбатан деярли 5 баробар кўпдир. Компания қанча даромад солиғи тўлангани кўрсатилмаган.
Аввалроқ Uzbekistan Airways’нинг айрим эски самолётлари сотувга қўйилганди.
Изоҳ (0)