Туркия президенти Ражаб Тоййиб Эрдўғон сайловчиларни май ойидаги сайловда мухолифат номзодининг ғалаба қозониши мамлакат учун фалокат бўлишидан огоҳлантирди. Бу ҳақда Bloomberg хабар берди.
.jpg)
“Биз Туркияни кўп қиррали, очкўз ва йўл-йўриқсиз коалициянинг раҳм-шафқатига кўра тарк эта олмаймиз. Бундай фалокатга йўл қўя олмаймиз”, — деди Эрдўғон
Нашрнинг ёзишича, Туркия раҳбарининг баёноти 14 май куни бўлиб ўтадиган сайловларга тайёргарлик фонида янграмоқда. Унинг ҳукумати юқори инфляция ва февраль ойи бошида мамлакатни ларзага келтирган ва 48 мингга яқин одамнинг ҳаётига зомин бўлган ҳалокатли зилзилаларга қониқарсиз жавоб бергани учун танқид қилинган.
“Барча сайловлар қийин. Лекин минтақамиз ва дунёда содир бўлаётган танқидий воқеалар 14 майдаги сайловни бошқалардан ажратиб туради”, — деган у.
Туркияда президентлик сайловлари
2022 йилда Туркия президенти сайлови 2023 йил 18 июнь куни бўлиб ўтиши хабар қилинганди, бироқ 23 январь куни Туркиянинг амалдаги президенти Ражаб Тоййиб Эрдўғон мамлакатда сайловлар 14 майга белгиланганини маълум қилди. Эрдўғон 2022 йилнинг июнь ойида яна президентлик учун курашиш ниятида эканини маълум қилган. У Адолат ва тараққиёт партияси билан бир қаторда Миллатчи Ҳаракат партиясини ҳам ўз ичига олган ҳукмрон Халқ алянсидан ягона номзод.
Туркиянинг олти мухолифатчи партияси алянси (Халқ алянси) май ойида бўлиб ўтадиган президентлик сайловларида қатнашиш учун ўзларидан ягона номзод сифатида Халқ-республика партияси (РXP) раҳбари 74 ёшли Камол Қиличдарўғлини танлаган.
Изоҳ (0)