The New York Times газетаси АҚШнинг Коннектикут штатидаги Норвалк шаҳрида яшовчи 59 ёшли америкалик фуқаро Жозеф Деруво ҳақида маълумот берди, у тахминан 20 йилдан бери поябзал киймайди.
Жозефнинг сўзларига кўра, ҳаммаси биринчи iPhone чиқишидан тахминан беш йил олдин, яъни 2002 йилда бошланган. У кейинчалик оёғидаги бош бармоқларининг мунтазам яллиғланиши ва бурситлари туфайли операция қилдириши керак эди. Жозеф даволаниш вақтини кутиб, оёқ кийимсиз юрган, чунки унинг оёқларда жуда кучли оғриқ бўлган.
.jpg)
Жозефга операция вақтида унинг оёқларига аллергияси бўлган металлдан ясалган винтлар жойлаштирилиши айтилган. Шундан сўнг у бутунлай поябзалдан воз кечишга қарор қилган.
Орадан кўп вақт ўтмай Жозеф ялангоёқ юриш ҳаётни янада бойитишини англаб етди. Унинг юриши анча осонлашди ва “тактил алоқа ҳамма нарсани силлиқлаштирди”. “Инсонларга ҳайвондан яралганликларини эслатиш ёқмайди. Улар бизнинг атрофда юрган бошқа жонзотлардан фарқимиз йўқлигини тан олишни ёқтирмайди”, — дейди Жозеф.
Жозеф диндор, шунинг учун у ўз танловини, бошқа нарсалар қатори, Аллоҳнинг Мусога айтган: “Оёқ кийимингни еч, чунки сен муқаддас ерда турибсан”, — сўзлари билан тушунтирди.
Бироқ поябзал киймасликнинг салбий томонлари ҳам бор. Жозефнинг рафиқаси, 61 ёшли Линя Экернинг айтишича, у ва турмуш ўртоғи кўп жойлардан ҳайдалган. Коннектикут қонунчилиги инсонларнинг дўкон ёки ресторанларда ялангоёқ юришини тақиқламаган бўлса ҳам, муассасалар ўз қоидаларини ишлаб чиқиши мумкин.
Жозеф пилатес инструктори бўлиб ишлаётгани ва бўш вақтини уйга яқин жойда ўтказганлиги сабабли яқин атрофдаги муассасалар эгалари бу ҳақда билади ва уни қабул қилади. Бундан ташқари, поябзал кийган Лини кўпинча “турмуш ўртоғи ва дунё ўртасида кўприк бўлиб хизмат қилади”.
Баъзан жуфтлик янги жойга масалан, дўстлари билан кечки овқатга кетаётганда, Жозеф ноқулай вазиятга тушиб қолмаслик учун ўзи билан каттароқ оёқ кийимларни олади.
Бундан ташқари, у доим пинсетли қуёшдан сақлайдиган кўзойнак қутисини ўзи билан олиб юради. Жозеф бу нарса ёрдамида оёғига ёпишиб қолган металл ва шиша парчаларини олиб ташлайди.
У ҳар куни ухлашидан аввал душ қабул қилади ва уйқуга ётишидан олдин оёқларини яхшилаб қуритади.
Изоҳ (0)