Россия ҳозирда Киевнинг позицияси туфайли Украина билан музокара олиб бориш имкониятини кўрмаяпти. Бу ҳақда Россия ташқи ишлар вазири Сергей Лавровга таяниб, “ТАСС” хабар берди.
“Биз музокаралар олиб боришни илтимос қилганимиз учун музокаралардан узоқлашмаяпмиз. Ҳозир бу жараён учун имкониятни кўрмаяпмиз, бироқ Россия музокараларни истамаслиги қанчалик ёмон, деган тўхтовсиз баёнотлар тўлқини фонида шуни таъкидлаяпмиз. Кимдир Украина президенти Владимир Зеленский айтганларини ўқиганми? Сентябрь ойида улар томонидан музокараларни олиб боришни тақиқлаш бўйича фармон имзоланганини кимдир эслайдими?” — деди Лавров.
Шу билан бирга, Россия ТИВ раҳбари Зеленскийнинг Россия етакчиси Владимир Путин билан ҳеч қачон музокара столига ўтирмаслиги ҳақидаги сўзларини эслатди.
“Сиз кейинги баёнотларни эшитдингиз, АҚШ Марказий разведка бошқармаси директори Билл Бернс кеча негадир Россия тинч йўл билан вазиятни ҳал қилишда манфаатдор эмаслигини билдирди, лекин Зеленский нимадан манфаатдор экани аниқми? У Билл Бернс билан бир вақтда Путин билан ҳеч қачон музокара столига ўтирмаслигини айтди. Зеленский иттифоқчилари билан бирга мамлакатининг келажаги масалаларини ҳал қилади”, — деди дипломат.
Изоҳ (0)