Вазн йўқотишнинг афзалликлари билан бирга ўз камчиликлари ҳам бор. Масалан, бундай ҳолатда ажинлар ва бошқа тери билан боғлиқ муаммолар юзага келиши мумкин. The Voice нашри парҳездан кейин пайдо бўладиган тери билан боғлиқ муаммолар ва улардан халос бўлиш бўйича маълумотларни тақдим этди.
.jpg)
Ортиқча вазнни йўқотганимиздан сўнг кўпроқ энергияга эга бўламиз, бироқ юз териси қариб қолганга ўхшаб кўринади, бу эса тананинг ўзгаришларга қарши туришини кўрсатади.
Сабаби тери остидаги ёғ юзнинг ёшроқ кўринишига ёрдам беради, буни турли вазн тоифаларидаги инсонларнинг фотосуратларини солиштириб кўрганда сезиш мумкин. Агар теридаги ёғдан қутулсангиз, бу сизнинг ёшроқ кўринишингизга ҳам таъсир кўрсатади.
Юз териси бироз осилиб қолиши мумкин
Бундай ҳолларда жағ қисмидаги тери осилиб қолиши кенг тарқалган муаммо ҳисобланади. Терида ёғ миқдори камайишидан ташқари, коллаген ва эластин миқдори ҳам камаяди, бироқ уларни ретинол ва пептидларни ўз ичига олган крем билан тиклаш мумкин.
Майда ажинлар пайдо бўлади
Вазн йўқотгандан кейин терида майда ажинлар ҳам пайдо бўлади. Улардан халос бўлишга намлантирувчи кремдаги гиалурон кислотаси ёрдам беради.
Кўз остидаги доиралар
Кўз остидаги ёғ ҳужайралари қон томирларини яширишга ёрдам беради. Агар “ниқоблаш” йўқолса, кўз остидаги доиралар кўринадиган бўлади. Бундай ҳолатда мутахассислар таркибида ретинол ва гиалурон кислотаси бўлган кремни тавсия қилади ва агар муаммо давом этса, косметологнинг олдига бориш керак.
Ҳуснбузарлар
Тери яллиғланишга мойил бўлмаса ҳам, ҳуснбузарлар тўсатдан пайдо бўлиши мумкин. Уларни махсус воситалар ёрдамида даволаш мумкин, шунингдек, оқсилли коктейллар ҳам бу борада фойдали ҳисобланади. Бундан ташқари, тешикларни ёпмайдиган салицил кислотаси ва намловчи спрейлар ҳам ёрдам беради.
Изоҳ (0)