Биз диққатга сазовор жой маълум бир объект бўла олади, деган тушунчага ўрганиб қолганмиз, масалан Копенгагендаги Кичик сув париси ҳайкали ёки Стоунҳенж машҳур объектлар сафига киритилган. Бироқ бу сафар ҳайкалтарош ёки меъморнинг яратган ижод маҳсули эмас, балки оддий мушук машҳур жойларни ортда қолдириб, катта машҳурликка эришди. Мушук яхши маҳсулотлар билан овқатлантирилади ва ёқимтой, чиройли кўринишга эга.
Машҳур мушукнинг лақаби Гасек
Мушукнинг лақаби таржима қилинганда, “катта қулоқли кўршапалак” деган маънони англатади. Шунингдек мушук Google хариталарида беш юлдузли рейтингга эга, у Шетсин шаҳрига келган сайёҳлар томонидан жуда юқори баҳоланган.
Харизматик момиқ, семиз мушук инсонларга шунчалик қизиқки, улар мушукни кўриш учун бошқа мамлакатлардан ҳам келади.
“Кутилганидек, у менга ҳеч қандай эътибор бермади. Бироқ менга бу дунёда бирон бир инсон билан тушлик қилишни ёки мушукни боқиш учун бу ерга учишни таклиф қилишса, мен яна бу ерга учиб келардим”, — дейди Ослолик сайёҳ.
Мушук бир неча йил олдин юлдузга айланган эди
Тўғрироғи, мушук 2020 йилда, у ҳақидаги видеолар тарқалганида машҳур бўлган эди. Мушукнинг турли хил видеолари платформаларда жами 4,5 миллион марта кўрилган. Ҳозирда бутун дунёдаги сайёҳлар ижтимоий тармоқларда машҳурликка эришган “Кашубиан кўчаси қироли” билан шахсан танишиш учун келади.
Мушук кўчада яшайди, бироқ дўкон эгалари уни назорат қилади
Гасек дўкон ёнида яшайди, унинг эгалари мушукка ғамхўрлик қилади ва қарашади. Мушук кўчада қурилган ёғоч уйида кўп йиллардан буён яшайди. Унинг овқатланиши ҳам диққат билан кузатиб борилади, дўкон эгалари инсонлардан мушукни овқатлантирмасликни ва барча ширинликларни қадоқланган ҳолда олиб келишни ва уни тўғридан-тўғри мушукга бермасликни сўрашади.
Гасекнинг рейтинги шаҳарнинг бошқа машҳур диққатга сазовор жойларини ортда қолдирган
Масалан, мушук яшайдиган шаҳарда жойлашган Померания князлари қалъаси сайёҳлар томонидан Гасекнинг рейтингидан пастроқ баҳоланган. Бироқ ёқимтой мушукни ҳам ёқтирмайдиганлар бор, масалан, мушук сосиска ўғирлагани учун кимдир ижтимоий тармоқларда унга фақат битта юлдузча қўйган.
Изоҳ (0)