Ижтимоий тармоқларда инсоннинг кўз ўнгида қимматбаҳо олмосни ўғирламоқчи бўлган чумолининг видеоси тарқалди, деб хабар бермоқда “Корреспондент.нет” нашри.
Кадрларда митти ҳашаротнинг оғирлиги камида 0,5 карат бўлган олмосни судраб, уни “қироличага совға сифатида” олиб кетишга урингани кўрсатилган. Хусусан, олимларнинг таъкидлашича, чумолилар колонияни безаш учун ҳақиқатан ҳам турли хил нарсаларни тўплайди.
Бу ҳолатда ҳашарот қимматбаҳо тошга қандайдир модда билан қоплангани учун ёпишиб олган бўлиши мумкин.
“Чумолилар ажойиб озуқа топувчилардир, улар қимматбаҳо ўлжа билан уйга қайтиш учун атроф-муҳитда узоқ масофаларни босиб ўта олади. Тўғри, бу олмоснинг қиймати минг долларга яқин туради. Бундан ташқари, чумолилар нафақат озиқ-овқат қидиришга, балки колонияда жой бўшатиш ва нарсаларни хавфсиз сақлаш учун ўлик чумолиларнинг чиқиндилари ёки жасадларини олиб чиқиб ташлашга қодир”, — дейилади хабарда.
Видеодаги чумоли олмосни ўғирлай олмаган.
Изоҳ (0)