Афғонистоннинг Нимрўз вилоятида “Толибон” ва Эрон ўртасида тўқнашув бошланди. Бу ҳақда Hasht-e Subh Daily хабар берди.
Маълум қилинишича, томонлар ўртасидаги отишма ҳали ҳам давом этмоқда. Ҳар икки томон ҳам енгил ва оғир қуроллардан фойдаланмоқда. Манбаларга кўра, Эрон чегарачиларининг снарядлари Нимрўз вилояти маркази Заранж шаҳридаги “Толибон” полиция штаб-квартираси атрофига ҳам келиб тушган. Ҳозирча отишма сабаби маълум эмас.
20 февраль куни Афғонистон ва Покистон чегарасидаги Torxам назорат-ўтказиш пунктида “Толибон” жангчилари ва Покистон ҳарбийларининг қуролли тўқнашуви юз берганди. Тўқнашувда томонлар оғир ва енгил қуроллардан фойдаланилгани маълум қилинган.
Изоҳ (0)