Ла Лига. “Барселона” 19-ўриндаги “Валенсия” устидан минимал ҳисобда ғалаба қозонди

Футбол бўйича Испания Ла Лигасининг 24-турида “Барселона” 5 март, якшанба куни “Валенсия”ни қабул қилди.

Учрашувнинг 16-дақиқасида Рафинья каталонларни олдинги олиб чиқди. Иккинчи бўлим бошида майдон эгалари орадаги фарқни ошириши мумкин эди, бироқ Ферран Торрес пенальтидан унумли фойдалана олмади.

59-дақиқада мезбонлар ҳимоячиси Роналд Араухо дарвозабон билан бирга-бир чиқиб кетаётган рақиб футболчисини тўхтатиб қолди ва тўғридан тўғри қизил карточкага лойиқ кўрилди. Бироқ меҳмонлар қолган дақиқаларда сондаги устунликдан унумли фойдалана ололмади.

Ушбу ғалаба эвазига “кўк-анорранглилар” очколарини 62 тага етказиб олди ва пешқадамликда давом этмоқда. 5 март куни “Бетис”га қарши ўйнайдиган “Реал” ҳисобида 52 очко мавжуд. “Валенсия” (23) эса 19-поғонага тушиб кетди.

Ла Лига

24-тур баҳслари

5 март, якшанба

“Барселона” – “Валенсия” 1:0

Гол: 1:0 – 15 Рафинья.

“Барселона”: тер Штеген, Кунде, Кристенсен, Араухо, Балде, Серхи Роберто (Эрик Гарсия, 81), Бускетс, де Йонг (Кессиэ, 46), Рафинья (Аларкон, 87), Ферран Торрес, Фати (Алонсо, 61).

“Валенсия”: Мамардашвили, Терри Коррейя (Кастильехо, 62), Фулкье, Жемерт (Диакаби, 55), Ўзкажар, Хесус Васкес, Гилямон, Алмейда (Муса, 78), Мориба (Франсиско Перес, 62), Дуро, Лино (Клюйверт, 78).

Четлатиш: Араухо (59).

“Вальядолид “– “Эспаньол” 2:1

Голлар: 1:0 – 25 Санчес, 2:0 – 62 Агуадо, 2:1 – 87 Брейтуэйт.