Жиноят ишлари бўйича Янгиҳаёт туман судида икки кишини пичоқлашда айбланган йигитга ҳукм ўқилди. Бу ҳақда “Миллий” телеканалининг “Миллар” дастурида маълум қилинди.
Маълум қилинишича, 2022 йил сентябрь ойида Яккасарой туманидаги меҳмонхонага дам олиш учун борган йигит ва қиз ўртасида келишмовчилик юз берган. Жанжал оқибатида 25 ёшли судланувчи 18 ёшли қизнинг оёғида пичоқ билан тан жароҳат етказган. Бундан ташқари, судланувчи 2 сентябрь куни айни пайтда қидирувда экани айтилаётган 37 ёшли эркак билан жанжаллашиб қолган ва унга ҳам пичоқ билан тан жароҳат етказган.
Шифокорлар томонидан кўрсатилган тезкор ёрдамлар натижасида қиз ва эркакнинг ҳаёти сақлаб қолинган.
Суд мажлисида келтирилган маълумотларга кўра, жабрланувчи қиз ва пичоқланган эркак бир-бири билан таниш бўлган. Судланувчи эса қизни ушбу эркакдан рашк қилиб, уни пичоқлаган.
Судланувчи кўрсатмасида келтирилишича, у жабрланувчи эркакни урганидан сўнг, фуқаро ёнида бўлган пневматик пистолетдан йигитга ўқ узган. Ҳозирда ушбу эркакка нисбатан қидирув эълон қилинган.
Жиноят ишлари бўйича Янгиҳаёт туман судида кўриб чиқилган иш давомида судланувчи йигит суд қизни пичоқлагани бўйича айбини тан олмаган.
“Қиз яқин дўстим, уни уйдагилари ҳайдаб юборгани сабаб меҳмонхонага жойлаб кетмоқчи эдим. ъЗарядникъни пастдан олиб чиққунимча у ҳаммомга кириб кетибди. Эшикни оч десам, ъҳозир-ҳозиръ деди. Шубҳаланиб, эшикни очтирсам, қон бўлиб ётибди. Жароҳат стаканни устига йиқилиб тушгани сабаб юз берган. Қўлим билан шиша синиғини олдим. Экспертиза кесилган деб хулоса берди, пичоқламаганман, лекин биринчи ёрдам кўрсатиб, уни шифохонага олиб бордим”, — дейди судланувчи.
Пичоқланган эркак билан эса у ресторанда танишиб қолгани, “орқасидан гап тарқатиб юргани”, онасидан сўккани учун жанжаллашганини айтган.
Судланувчи Жиноят кодексининг 109 (қасддан баданга енгил шикаст етказиш) ва 277-моддаларида (безорилик) назарда тутилган жиноятларни содир этганликда айбли деб топилган. Суд ҳукмига кўра у 2 йил 6 ой муддатга озодликдан маҳрум этилди.
Изоҳ (0)