IT Park ойига 500 доллар топадиган дастурчи ҳақида ҳикоя қилди

IT Park 20 ёшли дастурчи Жавоҳир Ғуломжонов ҳақида ҳикоя қилди. Жавоҳир ҳозирда Наманган муҳандис-технологийлари институтида менежмент факультети 2-босқичида таҳсил олади. Мутахассислиги бўйича Web Frontend дастурчи.

Дастурлашга кириб келиши карантин вақтларидан бошланган. Ўша пайтда қаҳрамоннинг отаси биринчи шахсий ноутбукни олиб берган. Шундан кейин уни ўрганишни бошлаб, кундалик вазифаларни ушбу ноутбукда бажариб борган.

Ноутбукимни бехосдан бузиб қўйдим, устага олиб бориб 40 минг сўмга дастурий таъминотини ўзгартирдим. Кейин дастурлашда пул кўп деган фикр шакллана бошлади. Кунлардан бир кун Узбекcодерс деган лойиҳага кўзим тушди. Унда мавжуд видеодарслари орқали web дастурлаш ўрганишни бошладим.

Жавоҳирнинг айтишича онлайн дарслар орқали мукаммал билимга эга бўлиш имконсиз. Чунки масалалар ечимини топиш тажрибали мутахассис билан ишлагандан сўнг келади, деб ҳисоблайди у.
 

Ноутбукимни бехосдан бузиб қўйдим, устага олиб бориб 40 минг сўмга дастурий таъминотини ўзгартирдим. Кейин дастурлашда пул кўп деган фикр шакллана бошлади. Кунлардан бир кун Узбекcодерс деган лойиҳага кўзим тушди. Унда мавжуд видеодарслари орқали web дастурлаш ўрганишни бошладим.

Жавоҳирнинг сўзларига кўра, ушбу лойиҳалардан сўнг у Pop IT мактабга ишга кириб, бир қанча ўқувчиларга таҳсил берган. Ҳозир ҳам лойиҳалар устида ишламоқда.

Ойлик даромади ўртача 400—500 долларни ташкил этади. Келажакда смарт тизимлар ишлаб чиқариш, одамларни ишини осонлаштиришни мақсад қилиб олган.

Жавоҳир ўзининг мисолида иштиёқи бўлган ҳар қандай инсон IT мутахассиси бўлиши мумкинлигини кўрсатиб бермоқда. Асосийси — интилиш, меҳнат қилиш ва ўрганишга бўлган қизиқишдир.