АҚШ президенти Жо Байден ва Германия канцлери Олаф Шольц Вашингтонда музокара ўтказди ва унинг давомида Россияни Украинадаги воқеалар учун етарлича жавобгарликка тортиш ниятини билдирди. Бу ҳақда Оқ уй баёнотида айтилади.
“Улар Россияни агрессияси учун қанча керак бўлса, шунча жавобгарликка тортиш мажбуриятини яна бир бор тасдиқлади”, — дейилади баёнотда.
АҚШ ва Германия етакчилари шунингдек, “Украина халқи билан глобал бирдамлик” муҳимлигини қайд этиб, уни гуманитар, иқтисодий, сиёсий ва хавфсизлик томондан қўллаб-қувватлаш масалаларини муҳокама қилди.
Шолс учрашувдан олдин томонлар Киевни қўллаб-қувватлашда мустаҳкам туришини ва бу қанча зарур бўлса шунча давом этишини айтганди. Бу сўзлар канцлер веб-сайтида келтирилган.
Украинада уруш бошланганининг бир йиллиги муносабати билан АҚШ ва Европа Иттифоқи Россияга қарши янги санкциялар киритди. Россиянинг 11 банки Вашингтоннинг янги чекловлари остида қолди. Бундан ташқари, АҚШ Россиядан алюминий ва алюминий маҳсулотларига 200 фоиз бож жорий этмоқда. Россиянинг 50 дан ортиқ амалдорлари, хусусан, баъзи вазирлар ва губернаторлар янги санкцияларга дучор бўлди.
Изоҳ (0)