Қашқадарё вилояти Яккабоғ туманида судьянинг хатоси сабаб эркак ногиронлик нафақасини ололмай қолгани ҳақида хабар берилганди. Судьялар олий кенгаши ҳолат юзасидан маълумот берди.
Қайд этилишича, судьянинг сиртдан чиқарган қарорига асосан эркак ногиронлик нафақасини ололмай қолган. Унинг нафақаси ўзига тегишли бўлмаган банкдан олинган кредитга йўналтирилган. Эркакнинг ўғли судья ўз айбини тан олганини, лекин вазият ўзгармаганини таъкидлаган.
Қашқадарё вилояти судлари судьялари малака ҳайъати томонидан ўтказилган хизмат текширувида хабардаги ҳолатлар тасдиғини топган. Якунда вилоят судлари судьялари малака ҳайъатининг қарори билан судья О.Суюновга нисбатан интизомий иш қўзғатилиб, тегишли интизомий жазо чораси қўлланилган.
Изоҳ (0)