19-20 март кунлари “Ҳилтон Tashkent City” меҳмонхонасида биринчи халқаро рақамли маркетинг конференцияси ва 22 та номинасия бўйича брендлар, агентликлар ва рақамли контент муаллифларини тақдирлаш маросими — “Digital Маркетинг Awards” ўтказилади.
Бутун бизнес digitalга ўтяпти. Бу — факт. Шу сабабли, реклама ва маркетинг билан бир қаторда, истеъмолчиларга ўз маҳсулотлари ва хизматларини излашлари ҳамда фойдаланишлари учун энг қулай шароитларни яратаётган бизнес вакиллари томонидан Интернет маконининг самарали қўлланилиши бўйича энг яхши намуналарни муҳокама қилиш, қиёслаш ва баҳолаш муҳим саналади.
Кейинги йилларда излаш тизимлари, ижтимоий тармоқлар, мессенжерлар энг яқин дўстларга айланди ва мулоқотнинг бошқа шаклларининг ўрнини босди, дейиш мумкин. дунёқараши кўп жиҳатдан интернет-ахборот ва digital форматлар билан шаклланган авлод шаклланди. Юзага келаётган тенденциялар ва бизнес ҳамда, умуман жамият учун истиқболлар ҳақида очиқ муҳокамалар даври келди.
Шу билан бирга, жаҳонда digital-маркетингга бағишланган кўплаб форумлар ўтказилишига қарамай, Марказий Осиё минтақасининг ўзига хослиги, истеъмол маданияти, бизнес ривожланиши ва даражаси алоҳида эътиборни, шу соҳадаги халқаро мутахассислар билан тажриба ва фикр алмашишни талаб қилади.
Forum — бу ўз ютуқларини кўрсатиш, ғоялар ва кириб келган йилдаги режалар билан ўртоқлашиш, бозор етакчиларини таниш,ўтган йилда digital-метрика бўйича форум совринини оладиган энг яхши лойиҳаларни кўриш имкониятидир.
Forum — мамлакатдаги брендларнинг рақамли фаолияти ва илгарилатилиши борасидаги янги имкониятларга бағишланган биринчи энг кенг кўламли воқеа бўлиб, Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси, Ўзбекистон маркетинг уюшмаси томонидан, ҳамкорлар кўмагида ташкил этилган. Бугунги кунда форум Қозоғистон, Қирғизистон, Россия, Норвегия, Украинадан кўп йиллик тажрибага эга ва жаҳоннинг етакчи брендлари билан ишловчи 20 дан зиёд спикерларни жамлайди.
Икки кунлик конференция давомида самарали рақамли стратегияни қандай яратиш, бизнесда қандай рақамли воситаларни қўллаш, Telegram ва АлиБабаъда қандай илгарилатиш ва сотиш, интернетдаги реклама самарадорлигига қандай таъсир кўрсатиш, digitalда кучли брендларни қандай қуриш ва бошқа кўплаб қизиқарли мавзулардаги чиқишлар бўлади. Forum спикерлари қаторида Яндекс, SAP, Адмихер, WундерDigital, Alibaba.com, Беелине вакиллари мавжуд.
Forumда йирик блок таъсир маркетингига бағишланган. Сир эмаски, брендлар машҳур шахслар, блогерлар, инфлюенсерлар ва селебритига реклама учун тобора кўпроқ мурожаат қилмоқдалар. Forumнинг махсус меҳмони – 6,11 млн обуначига эга илмий-оммабоп YouTube канал муаллифи Ян Топлес. Ян физика, астрономия, биология ва бошқа фанлар, шунингдек санъат, маданият ва гендер тушунчаси ҳамда авлодлар назарияси каби ижтимоий аҳамиятга эга мавзуларда илмий-оммабоп видеолар чоп этади.
Ян Топлес, маҳаллий инфлуенcе-маркетинг етакчилари Умид Ғофуров (“Таниш-билиш” агентлиги) ва Денис Роман (“Wеdigital” агентлиги) билан биргаликда, блогерлар ва брендларнинг ўзаро мулоқотларидаги трендлар ва муаммолар муҳокамасига бағишланган панел муҳокамасида қатнашади. Муҳокамада қатнашиш учун, шунингдек, Чўлпон Ашимова (“Намба Медиа” агентлиги, Қирғизистон) ва Диана Лалетина (“2анй1” агентлиги, Қозоғистон) ҳам таклиф этилган.
20 мартда Digital Маркетинг Awards – форум кураторлари танловига кўра, блогерлар, рақамли контент муаллифларини тақдирлаш биринчи маросими ўтказилади. Ўзбекистонда рус ва ўзбек тилларида ноёб контент яратувчи рақамли контент муаллифлари 22 та номинасияда совринларга эга бўладилар .
Instagram, Telegramънинг 2022 йилги рақамли кўрсаткичларига кўра, 11 та алоҳида номинасияда энг хилма-хил, жозибали, машҳур постлар яратувчи агентликлар ва брендлар тақдирланади. Ғолиблар МДҲ мамлакатларида ижтимоий тармоқларни таҳлил қилувчи, шарҳлар мониторингини амалга оширувчи энг машҳур саналадиган LiveДуне ижтимоий тармоқлар таҳлили сервисининг рақамли метрикалари бўйича аниқланади.
Digital Маркетинг Awardsънинг илк ғолибларини қутлаш ниятида бўлганларни тақдирлаш маросимида қатнашишга таклиф этамиз.
Диёр Мирзааҳмедов – форум ташкилотчиси, Ўзбекистон маркетинг уюшмаси бошқаруви раиси:
“Биз рақамли маркетинг соҳасида хизмат кўрсатувчи янги ва машҳур компанияларни, digitalга эътибор қаратувчи фаол ва машҳур брендларни ҳамда мана шу технологиялар, маҳсулотлар ва хизматлар фойдаланувчиларининг мулоқоти ва тақдими учун янги, ҳар йилги майдончани яратяпмиз. Бу имкониятдан истисносиз барча – бошловчи блогерлар ва SMM-мутахассислардан тортиб, йирик инвесторларгача фойдаланишлари аҳамиятлидир. Ҳар бир иштирокчининг фикри инобатга олинган ҳолда кейинги форумлар кун тартиби шакллантирилади. Бунинг учун, анъанамизга кўра, форумда иштирокчиларнинг доимий чати тузилади, унда муҳокама қилиш, таклифлар ва спикерларга саволлар бериш мумкин бўлади. Ўйлайманки, бу чат Ўзбекистонда digital-маркетинг бўйича энг йирик муҳокама майдончасига айланади.
Биз digital-маркетинг соҳасидаги кўплаб машҳур экспертларни таклиф қилдик, аммо ҳозирланаётган форум ҳақида хабар топиб, бизга мурожаат қилган ва келиб, чиқиш қилиб, экспертизаси билан ўртоқлашишга тайёр моҳир спикерлар ундан ҳам кўп бўляпти. Ташкилотчилар сифатида, бизнинг тадбирларимиз уйғотаётган қизиқиш бизни қувонтиради. Кейинги йилларда тўпланган контентларнинг қизиқ жиҳатларини битта конференция куни билан қамраб бўлмаслигини тушунган ҳолда, биз нафақат янги билимлар олишни, балки спикерларга ўз саволларини беришни ҳам истаганлар учун икки кунли форматни танладик. Тез орада форумда учрашгунча!”
Forum ҳақида батафсил ахборот: marketing.uz/digital-forum
Ташкилотчилар – Ўзбекистон Республикаси рақобатни ривожлантириш ва истеъмолчилар ҳуқуқларини ҳимоя қилиш қўмитаси, Ўзбекистон маркетинг уюшмаси.
Бош ҳамкор – ANORBANK.
Изоҳ (0)