Қирғизистондаги парламент йиғилишида депутат Тазабек Икромов пойтахт йўлларидаги тирбандликларга президент кортежи сабаб бўлаётганини маълум қилди. Бу ҳақда “24.кг” хабар берди.
Депутатнинг сўзларига кўра, Бишкекда одатда эрталаб ва кечқурун тирбандлик юзага келади.
“Агар бу масала ҳал қилинса, яхши бўларди. Эҳтимол, кортежларни одамлар ишга кетгунга қадар, кечқурун эса соат 18:00 дан кейин эмас, 20:00 дан кейин ўтказиш мумкин. Балки “тепада ўтирганлар” йўлларни тўсиб қўйишни бас қилар”, — деди Тазабек Икромов.
Қирғизистон президенти Садир Жапаровнинг кортежи ҳар куни Бишкекдаги Манас шоҳкўчаси бўйлаб ҳаракатланади. 2021 йил июнь ойида Жапаров кортежидаги автомобиль ЙТHgа учраганди. Ҳодиса оқибатида бир киши ҳалок бўлган ва 3 киши жароҳатланганди. Кейинчалик ҳалок бўлган шахс Қирғизистон президентининг шифокори экани маълум қилинган.
Изоҳ (0)