Тухум, пишлоқ ва помидорли лавашни тез ва осон тайёрлаш мумкин. Егуликни 30 дақиқада пиширса бўлади. Лаваш янада мазали бўлиши учун помидорнинг мағзидан фойдаланган маъқул.
Керакли масаллиқлар:
- тахминан 75 см га 30 см ўлчамдаги юпқа лаваш хамири
- қаттиқ ёки ярим қаттиқ пишлоқ — 100-150 г
- тухум — 1-2 дона
- помидор — 1-2 дона
- кўкатлар, петрушка — таъбга кўра
- ўсимлик ёғи
- туз, мурч — таъбга кўра
Тайёрланиши:
- Помидорларни ювинг ва майда қилиб, кубик шаклида тўғраб олинг. Лаваш нони нам бўлмаслиги учун фақатгина помидорнинг мағзидан фойдаланинг.
- Пишлоқни катта тишли қирғичдан ўтказинг.
- Кўкатларни ҳам ювиб, майда қилиб тўғраб олинг.
- Лаваш хамирини тахминан 15 см га 30 см ўлчамдаги тўртбурчаклар шаклида кесиб олинг.
- Ҳар бир лаваш хамирига 1-2 қошиқ помидор, 1-2 қошиқ майдаланган пишлоқ ва бир қошиқ кўкат солинг. Лавашдаги маҳсулотларнинг устига туз ва мурч сепинг.
- Лаваш нонининг бўлакларини тўртбурчак ёки учбурчак шаклида ўраб олинг.
- Тухумни чақиб, миксер билан кўпиртиринг. Лаваш хамирларини унга ботириб олинг.
- Ўсимлик ёғини товага солиб, қиздириб олинг. Лаваш хамирини эҳтиёт бўлиб, тахминан 3-4 дақиқа давомида паст оловда қовуринг. Кейин ағдариб, бошқа томонини қовуринг. Лаваш тайёр.
Бундан ташқари, товада тухум ва пишлоқли лавашни пишириб олишингиз мумкин. Бу эрталаб барвақт туриб, нонушта тайёрлашни истамайдиганлар учун оддий ва тезкор рецепт ҳисобланади.
Ёқимли иштаҳа!
Изоҳ (0)