Россия президенти Владимир Путин Ғарб Россияни назорат остига олиш учун уни қисмларга бўлишга интилгани ҳақида гапирди. Бу ҳақда “Газета.ру” хабар берди.
Путин бунга ишора қилувчи ҳужжатли далиллар борлигини айтиб, Москва Ғарбнинг сиёсатига тўсқинлик қилмаганида, Россия халқларининг тақдири сезиларли даражада ўзгарган бўлиши мумкинлигини таъкидлади.
“Ҳаммаси режада бўлган, у қоғозда акс этган. Шунчаки, биз муносабатлар қуриш шароитида шериклик нуқтаи назаридан бу ҳақда гапирмасликка ҳаракат қилган эдик”, — деди у.
Шунингдек, Россия президенти Ғарб ягона халқ ўрнига “москваликлар, уралликлар ва бошқалар”ни яратмоқчи бўлганини қайд этди.
“Уларнинг мақсади битта — собиқ Совет Иттифоқини ва унинг асосий қисмини — Россияни парчалаш. Шундан кейин, балки улар бизни аҳолида бўлинган ҳолда сивилизасиялашган халқлар оиласига қабул қилишар”, — деди Россия президенти.
Изоҳ (0)