“Манчестер Юнайтед” “Уэмбли”да “Ньюкасл”ни енгиб, Англия Лига Кубоги соҳибига айланди

Футбол бўйича Англия Лига Кубоги финалида “Манчестер Юнайтед” ва “Ньюкасл” жамоалари 26 февраль, якшанба куни ўзаро тўқнаш келди.

Учрашувнинг 33-дақиқасида Каземиро манкунианларни ҳисобда олдинга олиб чиқди. Орадан кўп ўтмай Свен Ботман ўз дарвозасини ишғол қилиб қўйди. Иккинчи бўлимда “қизил иблислар” вазиятни назорат қилди ва дарвозалар бошқа ишғол этилмади.

Шу тариқа “Манчестер Юнайтед” ўз тарихида олтинчи марта ушбу мусобақа ғолибига айланди. Фақат “Ливерпуль” (9) ва “Манчестер Сити” (8) бу борада “Юнайтед”дан яхшироқ кўрсаткичга эга.

Қайд этиш керак, “Манчестер Юнайтед” айни вақтда тўртта мусобақада қатнашаётган Европа топ-5 лигалари клублари орасидаги ягона жамоа эди.

Англия Лига Кубоги

Финал

26 февраль, якшанба

“Манчестер Юнайтед” — “Ньюкасл” 2:0

Голлар: 1:0 – 33 Каземиро, 2:0 – 39, автогол Ботман.

“Манчестер Юнайтед”: Де Хеа, Диогу Далот (Уан-Биссака, 46), Варан, Мартинес, Шоу, Каземиро, Фред (Забицер, 69), Бруну Фернандеш, Вегорст (Мактоминей, 70), Рэшфорд, Антони (Санчо, 83).

“Ньюкасл”: Кариус, Триппьер, Шер, Ботман, Берн, Бруно Гимараэс (Уиллок, 79), Лонгстафф (Исак, 46), Альмирон, Уилсон, Сен-Максимен (Mёрфи, 78), Жоэлинтон.

Огоҳлантиришлар: Диогу Далот (9), Фред (37), Жоэлинтон (45), Каземиро (87).