Бугун,

  • USD 11095.31
  • RUB 173.84
  • EUR 10772.44

Қозоғистон Хитойнинг Украина инқирозини сиёсий йўл билан ҳал қилиш бўйича позициясини олқишлайди ва Бирлашган Миллатлар Ташкилоти низоми тамойиллари асосида бу муаммони тинч йўл билан ҳал қилишни ҳар қандай баҳсдан ҳоли деб билади. Бу ҳақда республика Ташқи ишлар вазирлиги Telegram каналида баёнот берилди.

Фото: Flicker

“Бу (Хитой билдирган) позиция қўллаб-қувватлашга лойиқ”, — дейилади Ташқи ишлар вазирлиги 25 февраль куни эълон қилган баёнотда.

“Биз ушбу муаммони халқаро ҳуқуқ ва БМТ Низоми тамойиллари асосида тинч йўл билан ҳал қилишнинг бошқа муқобили йўқ, деб ҳисоблаймиз”, — дея таъкидлади Қозоғистон ТИВ.

Остона ҳарбий можарода иштирок этаётган томонлар “бағрикенглик кўрсатиши, жанговар ҳаракатларни тўхтатиши ва имкон қадар тезроқ музокаралар столига ўтириши, дунё ҳамжамияти эса вазиятни дипломатик йўл билан ҳал қилишга ҳар томонлама ҳисса қўшиши” тарафдори эканини билдирган.

“Қозоғистон, шунингдек, Хитой халқ республикасининг Global хавфсизлик ташаббуси концепциясида белгиланган замонамизнинг долзарб муаммоларини ҳал қилишда мамлакатларимизнинг ёндашувлари ўхшашлигини таъкидлайди”, — дейилади хабарда.

Хитойнинг тинчлик режаси

24 февраль куни “Хитойнинг Украина инқирозини сиёсий йўл билан ҳал қилиш бўйича позицияси” ҳужжати эълон қилинди, у 12 бандни ўз ичига олади. Хусусан, Пекин ҳудудий яхлитликни ҳурмат қилиш ҳақида гапиради, музокаралар олиб боришга чақиради, “бир томонлама санкциялар”га ва ядро қуролидан фойдаланишга қаршилик билдиради. Шу билан бирга, Хитой ўз позициясида Россиянинг Украинага бостириб киришини ва агрессив мамлакатнинг ҳарбий жиноятларини қораламайди.

Мавзуга доир
Изоҳ
Асосий янгиликлар
Маҳаллий
Ўзбекистонда келаси ҳафта 42 даражагача иссиқ бўлади
Маҳаллий
Тошкентда йўлнинг қатнов қисмида пранк уюштирган йигитлар иши судга оширилди
Дунё
Дунё бўйлаб миллионерлар сони сезиларли даражада камайди