Украинадаги урушда кўнгилли сифатида жанг қилган 28 ёшли америкалик Эндрю Питерс 16 февраль куни ҳалок бўлди. Бу ҳақда CNN WSAW-TV телеканали ва Эндрюнинг оила аъзолари яшайдиган Висконсин штати жамоат радиоси марҳумнинг ота-онасига таяниб, хабар берди. У Афғонистонда хизмат қилган фахрий ҳам эди.
АҚШ Давлат департаменти Украинада ҳалок бўлган Америка фуқаролари ҳақидаги маълумотни тасдиқлади. “Биз уларнинг оилалари билан алоқадамиз ва барча зарур консуллик ёрдамини кўрсатмоқдамиз”, — деди департамент матбуот котиби.
“Эндрю нима тўғри, нима нотўғри эканлигини кучли ҳис қиларди. У ўзининг собиқ ҳарбий маҳоратини Украина халқига ёрдам бериш учун ишлатиш зарурлигини ҳис қилган”, — дейди марҳумнинг ота-онаси
Радиостанция хабарига кўра, Петерс 2022 йилнинг ноябрь ойида Халқаро легионга қўшилган. У 2014 йилда Афғонистонда хизмат қилган.
Украина президенти Владимир Зеленский ўтган йилнинг февраль ойи охирида, Россия босқини бошланганидан кейин Украина ҳудудий мудофааси халқаро легиони тузилганини эълон қилди. Легион таркибига Украина учун жанг қилишни истаган минглаб халқаро кўнгиллилар қўшилди. Россия Мудофаа вазирлиги хорижий кўнгиллиларни ёлланма аскарлар деб атайди, вазирлик уларнинг йўқ қилинаётгани ҳақида бир неча бор хабар берган.
Изоҳ (0)