Украиналик ҳарбий эксперт Олег Жданов урушнинг иккинчи йили 2023 йил қишидаги каби характерга эга бўлишини прогноз қилди. Бу ҳақда UNИАН хабар берди.
Ждановнинг сўзларига кўра, Россия президенти Владимир Путин жанг майдонига минимал миқдордаги зарур жиҳозлар билан таъминланган “тирик ўлжалар”ни ташлашда давом этади. Бундан ташқари, Россия ҳужум операцияларини ўтказишга ҳаракат қилиши прогноз қилинмоқда. Бу украиналик кучлар қуроллар сонини ошириб, қарши ҳужумга ўтгунга қадар давом этиши мумкин. Шу билан бирга, 2023 йил давомида Россия Украина фронтига юбориш учун яна бир миллионга яқин аскарини сафарбар қилишга ҳаракат қилиши илгари сурилган.
Украина қуролли кучларининг қарши ҳужуми
Украина мудофаа вазири Алексей Резников украин армияси Россияга қарши ҳужумни бошлаши учун бир неча ой керак бўлишини маълум қилди. У бу фикрини Ғарб ваъда қилган танклар ва бошқа ҳарбий техникалар Украинада дарҳол пайдо бўлмаслиги, украиналик аскарлар ундан фойдаланишга ўқитилиши учун ҳам вақт кераклигини билан изоҳлади.
Резниковнинг сўзларига кўра, Украина армияси томонидан янги кенг кўламли ҳужумни бошлаш имконияти айнан экипажни тайёрлаш вақти ва техниканинг етиб келишига боғлиқ.
“Бунинг учун вақт керак. Бир неча ойда тўлиқ тайёр бўлиш ҳақида гап кетяпти. Кейин эса Бош штаб қарори билан маълум воқеалар содир бўлади", — деди у.
Изоҳ (0)