Хонанда Каниза ижтимоий тармоқлардаги ахлоқсиз видеолари учун лицензиясидан бир ойга маҳрум бўлди. Бу ҳақда маданият вазири ўринбосари Баҳодир Аҳмедов “Дарё” мухбири билан суҳбатда маълум қилди.
— Кенгаш аъзолари бир овоздан Каниза Аҳмедовани лицензиядан маҳрум қилиш қарорини маъқуллашди. Унга жиддий огоҳлантириш берилди. Агар бир ой давомида тартибга тушса, литзензия учун қайта ариза ташлаши мумкин. Очиғини айтаман, бу қиз нега бундай қилганига ҳайронман. Бундай нарсалар унга нимага керак? Ақли расо, ўзига яраша онги бор, олий маълумотли инсон. Бир ой ичида хатоларни тўғриласа, тўғрилади — бўлмаса, янада жиддий чора кўрилади. Каниза Аҳмедовага қўлланаётган чоралардан бошқа санъаткорлар ҳам ўзига тегишли хулоса чиқариб олса, яхши бўларди, — дейди вазир ўринбосари Баҳодир Аҳмедов.
Бир неча кун аввал ижтимоий тармоқларда Канизанинг тўй хизматида куйлаётгани акс этган видео тарқалди. Ушбу видеолардаги хонанданинг хатти-ҳаракати ва кийими интернет фойдаланувчиларининг кескин танқидларига сабаб бўлди.
Хонанда ушбу танқидларга жавоб берар экан, одамларни ақлсизликда айблаган эди.
Изоҳ (0)