Хитой етакчиси Си Цзиньпин яқин ойларда Россия президенти билан саммит ўтказиш учун Москвага ташриф буюришга тайёрланмоқда. Бу ҳақда режадан хабардор одамларга таяниб, Wалл Street Journal хабар берди.
Пекин Украинадаги урушга барҳам беришда фаолроқ рол ўйнашни хоҳлаётганини таъкидлаган ва Си Цзиньпиннинг ташриф режалари билан таниш одамлар Путин билан учрашувда Хитой ядро қуролидан фойдаланмасликка чақиришини айтмоқда. Ғарб давлатлари Хитойнинг дипломатик ташаббусига шубҳа билан қарамоқда, ўтган ҳафтада Мюнхен хавфсизлик конференциясида Хитой ташқи ишлар вазири Ван I бу бўйича мамлакат позициясини билдирган.
“Си Цзиньпиннинг ташрифи бўйичи келишувлар дастлабки босқичда ва ҳали вақти аниқланмаган. Жаноб Си апрелда ёки май ойи бошида ташриф буюриши мумкин”, — дейди режадан хабардор одамлар.
Хитой ташқи ишлар вазири Ван I 21 февраль куни Москвага ташриф буюрди. Дипломат Хитой-Россия муносабатлари ва “умумий манфаатдор бўлган халқаро ва минтақавий долзарб масалаларни” муҳокама қилишни режалаштирган”. Эҳтимол, сиёсатчи Си Цзиньпиннинг Москвада сафарини ҳам муҳокама қилиши мумкин.
Изоҳ (0)