Биткоин олти ойдан бери илк бор 25 минг долларга яқинлашди
Биткоин нархи олти ой ичида биринчи марта 25 минг долларга яқинлашди. Сўнгги 24 соат ичида энг юқори нарх 24 898 долларни ташкил қилди.
Тошкент вақти билан соат 19:40 ҳолатига кўра, биткоин нархи 24 391 доллар бўлиб турибди. Сўнгги 24 соат ичида криптовалюта нархи 11 фоизга кўтарилди.
Bloomberg қайд этишича, криптовалюта қимматлашиши инвесторларнинг Қўшма Штатлар томонидан мумкин бўлган тартибга солиш чекловларидан қўрқувнинг камайиши билан боғлиқ.
Ҳафта бошида рақамли активлар АҚШда маълум криптомаҳсулотларга чекловлар киритилгандан сўнг, шунингдек, Нью-Йорк молиявий хизматлар департаментининг учинчи йирик эмиссияни тақиқлаш тўғрисидаги қарори муносабати билан пасайишни бошлаганди.
Таҳлилчилар фонд бозорида ижобий кайфият давом этиб, криптовалюта нархлари ўсишини прогноз қилмоқда.
