Сирдарё вилояти Ховос туманидаги касб-ҳунар мактабида ўқувчилар танаффусда карта ўйнагани аниқланди. Бу ҳақда вилоят ҳокимлиги ахборот хизмати хабар берди.
Қайд этилишича, Ховос тумани ИИБ ходимлари томонидан суриштирув ишлари олиб борилган. Унда беш нафар ўқувчи Э.Р, Э.М, Й.Э, У.Х ҳамда А.Г. ўзи таҳсил олаётган мактабда танаффус вақтида синф хонасида карта ўйнаётгани аниқланган.
Ушбу ҳолатни вояга етмаган А.Г. телефонига видеотасвирга олган ва ушбу видеотасвирни ижтимоий тармоқларга жойлаган. Ҳолат бўйича инспектор психологлари томонидан терговга қадар текширув ҳаракатлари олиб борилган. Ўқувчиларнинг ота-оналарига нисбатан қонуний чора кўрилиб, профилактик тушунтириш ишлари олиб борилди.
Изоҳ (0)