Тошкент шаҳар Яккасарой туманида аҳолидан коммунал тўловлар учун йиғилган 158,5 миллион сўм нақд пулларни ўзлаштирган ширкат раҳбари ушланди. Бу ҳақда Иқтисодий жиноятларга қарши курашиш департаменти ахборот хизмати хабар берди.
Хабарга кўра, ҳолат Бош прокуратура ҳузуридаги департаментнинг Яккасарой туман бўлими томонидан фуқароларнинг ҳуқуқ ва манфаатларини ҳимоя қилиш юзасидан ўтказилган терговга қадар текширувда аниқланган. “Д.К.” хусусий уй-жой мулкдорлари ширкати раҳбари С.А. Кичик-Бешёғоч кўчасидаги кўп қаватли уйларда яшовчи аҳолидан коммунал тўловлар учун йиғилган 158,5 млн сўм нақд пулларни ширкат ҳисоб рақамига кирим қилмасдан, ўзлаштириш йўли билан талон-торож қилгани маълум бўлган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)