Ўзбекистондаги аҳоли яшаш пунктларида мобил интернет қамрови 99 фоизга етказилади 

Ўзбекистонда 2023 йилда республика бўйлаб аҳоли яшаш пунктларини оптик толали алоқа линиялари билан қамраб олиш режалаштирилган. Бу жамоатчилик муҳокамасига қўйилган 2023 йилги давлат дастури лойиҳасида қайд этилган.

Унга кўра, 50 минг километрлик оптик толали алоқа линиялари қуриш орқали уларнинг умумий узунлиги 220 минг километргача кўпаяди. Мобил алоқа операторлари томонидан қўшимча база станциялари ўрнатиш ва республикадаги аҳоли яшаш пунктларида мобил алоқа ва кенг полосали мобил интернет хизматлари қамрови 99 фоизга ортади.

Мобил алоқа операторлари томонидан қўшимча база станциялари ўрнатиш орқали халқаро аҳамиятга эга бўлган автомобиль йўлларида мобил алоқа ва интернет қамрови 70 фоизга етказилади.

Қўшимча равишда 400 мингта кенг полосали интернет портлар ўрнатиш орқали уларнинг умумий сони 5,3 миллионтага етади.

Халқаро пакетли коммутация маркази ўтказувчанлик қобилиятини 4200 Гбит/с га оширилади.