Ўзбекистонда 7 баллик зилзилаларнинг эҳтимолий харитаси эълон қилинди

Ўзбекистонда 7 баллик зилзилаларнинг эҳтимолий қайтарилиш даври картаси эълон қилинди. Бу ҳақда “Узб_Метео” канали хабар берди.

Юқоридаги харитада ҳудудларда 7 балл ва ундан юқори кучга эга зилзиларнинг эҳтимолий кузатилиши қанча йилда бир такрорланиши келтирилган. 

Масалан, тўқ қизил рангли жуда актив зоналарда 25 йилда бир, оч кулранг ҳудудларда эса 5000 йилда бир такрорланиши мумкинлиги тасвирланган.

Шунингдек, Ўзбекистон ва унинг атрофида кузатилган кучли зилзилар каталоги ҳам эълон қилинган. Каталокда Фарғона водийси атрофида 838 йил ҳамда Бухоро атрофида 942 йиллар кузатилган кучли зилзила маълумотлари ҳам ўрин олган.

МДҲ давлатлари зилзилаларнинг балл даражасидаги кучини аниқлашда кўпроқ МСК-64 шкаласидан фойдаланади. Ҳозирда кўплаб мамлакатларда бошқа шкалалар ҳам мавжуд. 25 ёки 100 йилда бир кучли зилзила такрорланиш хавфи борлиги айнан бир нуқта учун тегишли эмас.