Туркияда зилзила оқибатида ҳалок бўлганлар сони 7 108 кишига етди, яна 40 910 киши жароҳатланган, деб хабар бермоқда Туркия Фавқулодда вазиятлар бошқармаси.
Воқеа жойида 100 мингга яқин қутқарувчи ишламоқда. Улар орасида кўнгиллилар ва бошқа мамлакатлардан, жумладан Ўзбекистондан келган бир неча минг мутахассислар ҳам бор.
Сурияда эса қурбонлар сони 2 500 кишидан ошди, деб ёзмоқда Reuters. Шунингдек, 4 500 дан ортиқ киши турли жароҳатлар олган.
6 февраль куни Туркияда мамлакат тарихидаги энг кучли зилзилалардан бири содир бўлди ва бу зилзила қўшни Сурияга ҳам таъсир кўрсатди. 8 февраль ҳолатига кўра, сейсмологлар деярли 650 та ер силкинишини қайд этган, уларнинг энг кучлиси 7,6 магнитудали бўлди.
Изоҳ (0)