Грузия собиқ президенти Михаил Саакашвили афв этилган тақдирда ҳам озодликка чиқа олмайди, чунки у бир вақтнинг ўзида бир нечта жиноий иш бўйича айбланмоқда. Бу ҳақда мамлакатнинг амалдаги президенти Саломе Зурабишвили маълум қилди.
Грузия раҳбари Саакашвили иши бўйича суд қарори юзасидан баёнот берди. У бу қарорнинг адолатли ёки ноҳақлигини муҳокама қилолмаслигини таъкидлади. Мазкур қарор билан грузин халқи ёпиқ доирада юришга ва бу вазиятнинг гарови бўлиб қолишга маҳкум эканини қайд этди.
Зурабишвили Грузия собиқ президенти афв этилган тақдирда ҳам озод қилинмаслиги, чунки у яна учта ишда айбланаётганини қўшимча қилди. У афв билан “мамлакат ўз юзи ва обрўсини тиклай олмаслигини” айтиб, Грузияга нисбатан бошқа давлатларнинг ишончи қолмаганига ҳукмрон партия ва мухолифатни айблади.
Саакашвилини Грузияда ҳибсга олиш ва қийноқлар
2021 йил 1-октябрда Саакашвили саккиз йил ичида биринчи марта муниципал сайловлар арафасида Грузияга қайтганида ҳибсга олинган. У бир қанча жиноий ишларда, хусусан, 2005 йилда грузиялик собиқ депутат Валерий Гелашвилига ҳужум уюштирганликда айбланмоқда. Бунинг учун у аллақачон сиртдан олти йиллик қамоқ жазосига ҳукм қилинган.
Ҳибсга олингандан сўнг Саакашвили дарҳол очлик эълон қилган ва у 2021 йил 19 ноябрда очликни тўхтатишга рози бўлган. 29 ноябрь куни Саакашвили ҳибсга олинганидан кейин биринчи марта судга олиб борилган ва ҳибсда қийноққа солинганини айтган. У ўзига қўйилган айбловларни сиёсий таъқиб, ўзини эса сиёсий маҳбус деб билади.
Узоқ давом этган очлик эълонидан сўнг сиёсатчининг аҳволи оғирлашган, шу сабабли у Рустав қамоқхонасидан Горидаги ҳарбий госпиталга ўтказилган.
2022 йил декабрида Украина Ташқи ишлар вазирлиги ўша пайтда Тбилисидаги Vivamedи тиббиёт марказида бўлган Саакашвилининг соғлиғи сезиларли даражада ёмонлашганидан чуқур хавотирда эканини билдирган.
2023 йилнинг 1 февралида Украина президенти Владимир Зеленский Грузия ҳукумати Саакашвилини “омма олдида қийноққа солиб, ўлдираётганини” айтди. Саакашвилининг ўзи эса Украинадаги уруш ғалабасигача яшай олмаса, юрагини Киевга дафн этишга чақирди.
Изоҳ (0)