Клублар ўртасидаги ЖЧ. “Ал-Ҳилол” 5 та гол урилган ўйинда “Фламенго”ни мағлуб этиб, финал йўлланмасига эга чиқди

Футбол бўйича Клублар ўртасидаги Жаҳон чемпионати ярим финалида “Ал-Ҳилол” 7 февраль, сешанба куни “Фламенго” билан баҳс олиб борди.

Учрашувнинг 4-дақиқасида Салим ад-Досари ҳисобни очди. 20-дақиқада Педро мувозанатни тиклади. Биринчи бўлим сўнгида Бразилия клуби футболчиси Жерсон қизил карточка олиб, майдонни тарк этди. Досари эса пенальтини аниқ амалга ошириб, жамоасини ҳисобда олдинга олиб чиқди. 

Иккинчи бўлимда ҳам “Ал-Ҳилол” фаол ҳаракат қилди. 70-дақиқада Лусиано Виэтто ҳисобни ишончли кўринишга олиб келди. Ўйин охирида эса Педро дублни расмийлаштирди, бироқ бу гол бразилияликлар учун етарли бўлмади.

Шу тариқа “Ал-Ҳилол” финал йўлланмасига эга чиқди. Иккинчи ярим финалда “Реал” 8 февраль куни “Ал-Аҳли”га қарши баҳс олиб боради. 

Клублар ўртасидаги ЖЧ—2023

Ярим финал баҳси

7 февраль, сешанба

“Фламенго” (Бразилия) — “Ал-Ҳилол” (Саудия Арабистони) 2:3

Голлар: 0:1 – 4 Ал-Досари (пенальти), 1:1 – 20 Педро, 1:2 – 45 Ал-Досари (пенальти), 1:3 – 70 Виэтто, 2:3 – 90 Педро.

“Фламенго”: Сантос, Матеузино, Давид Луиз, Лео Перейра (Фабрисио Бруно, 46), Айртон, Эвертон Рибейро (Эвертон, 68), де Арраскаэта (Пульгар, 46), Тиаго Майя (Видаль, 81), Жерсон, Габриэль Барбоза, Педро.

“Ал-Ҳилол”: Ал Майуф, Абделҳамид, Чжан Хен Су, Ал-Булайҳи, Ал-Досари (Ал-Досари, 66), Каррилё, Куэляр, Ал-Досари, Игало (Майкл Ричард, 58), Виэтто (Жаҳфали, 88), Марега.

Огоҳлантиришлар: Жерсон (15), Габриэль Барбоза (17), Давид Луиз (42), Виэтто (42), Пульгар (56), Ал-Досари (62), Тиаго Майя (72), Жаҳфали (89), Педро (90).

Четлатиш: Жерсон (45).