Тошкент марказидаги соғломлаштириш маркази 33 млрд сўмга сотилди 

Тошкент шаҳридаги соғломлаштириш маркази кимошди савдосида 33,7 млрд сўмга сотилди. Маълумотлар “Э-аукцион” порталида эълон қилинган. 

Лот аукционга Давлат активларини бошқариш агентлиги томонидан жойлаштирилган эди.

Ер участкасининг умумий майдони — 0,18 гектар. Бинонинг майдони — 2 708 квадрат метр. Унда газ, электр таъминоти ва канализация тизими мавжуд.

Аукционга қўйилган марказнинг бошланғич баҳоси 32,1 млрд сўм эди. 6 февраль куни ўтказилган савдоларда фитнес клуб 33,7 млрд сўмга сотилди. Ғолиб сифатида Алишер Сотволдиев кўрсатилган.