Туркияда 6 февраль куни содир бўлган 7,4 магнитудали зилзила оқибатида бир неча шаҳарларида бинолар қулаб тушди.
Yeni Şаfak газетаси маълумотларига кўра, Хатай ва Малатя шаҳарларида уйлар қулаган, Диярбакир шаҳрида ҳам бир неча уйлар қулаган.
Туркиянинг камида тўрт вилоятида вайронагарчиликлар қайд этилган. Уйларнинг қулаши Қаҳраманмараш, Малатя, Шанлиурфа ва Газиантеп вилоятларида кузатилган. Ҳалок бўлганлар ва жароҳатланганлар ҳақида маълумот олинмаган. İlk Sayfa газетасининг шаҳар мэри Зейдан Караларга таяниб ёзишича, Аданадаги иккита кўп қаватли уй қулаб тушди. Вайроналар остидан беш киши олиб чиқилиб, шифохонага юборилган.
Шанлиурфа мэри Зейнел Беязгул 16 қаватли бино қулаши оқибатида беш киши ҳалок бўлганини билдирди.
Туркия ички ишлар вазири Сулаймон Сойлу мамлакатнинг бир қанча ҳудудларида энг юқори даражадаги огоҳлантириш эълон қилинганини маълум қилди.
Изоҳ (0)