Бугун,

  • USD 11095.31
  • RUB 173.84
  • EUR 10772.44

6 февраль куни Шавкат Мирзиёевнинг Туркия Республикаси президенти Ражаб Тоййиб Эрдўғон билан телефон орқали мулоқоти бўлиб ўтди. Бу ҳақда Президент матбуот хизмати хабар қилди.

Қайд этилишича, Ўзбекистон раҳбари шу куни Туркиянинг жануби-шарқий вилоятларида рўй берган кучли зилзила оқибатида кўплаб инсонлар қурбон бўлгани ва катта талафотлар кўрилгани муносабати чуқур ҳамдардлик изҳор этган. Туркия халқига, вафот этганлар ва жабрланганларнинг оилалари ва яқинларига далда сўзлари билдирилган.

Табиий офат оқибатларини бартараф этиш мақсадида амалий ҳамкорлик масалалари муҳокама қилинган. 7 февраль куни Ўзбекистондан Туркияга гуманитар ёрдам ва қутқарувчилар гуруҳи жўнатилиши режалаштирилган.

Икки томонлама кун тартиби ва минтақавий ҳамкорликнинг долзарб жиҳатлари юзасидан ҳам фикр алмашилган.

Аввалроқ Шавкат Мирзиёев Туркия жануби-шарқий қисмидаги вилоятларда юз берган кучли зилзила оқибатлари муносабати билан Ражаб Тоййиб Эрдўғонга ҳамдардлик йўллаганди.

Ўзбекистон ТИВ матбуот хизмати берган маълумотга кўра, 6 февраль Тошкент вақти билан соат 11:00 ҳолатига кўра, Ўзбекистоннинг Туркиядаги дипломатик ваколатхоналарига зилзила оқибатида ҳалок бўлган ва жароҳатланган Ўзбекистон фуқаролари бўйича маълумот келиб тушмаган.

Изоҳ
Асосий янгиликлар
Маҳаллий
Амударёда темирйўл линиясининг бир қисми қулаб тушгани юзасидан маълумот берилди 
Маҳаллий
2023 йилги закот нисоби, фитр садақа ва фидя миқдори белгиланди
Иқтисодиёт
Февралда олтин сотилмади: Ўзбекистон ташқи савдоси икки ойда 8,9 млрд долларга етди