Андижон вилояти Андижон туманида 6 февраль куни куни хонадонлардан бири ёнғин содир бўлди. Бу ҳақда Фавқулодда вазиятлар вазирлиги хабар қилди.
Қайд этилишича, ҳолат шу куни соат 14:26 да Андижон тумани “Гумбаз” МФЙ Зилол кўчасида жойлашган хонадоннинг тахминан 50 квадрат метр майдонида томи ва шифт қисми ёнаётгани тўғрисида Андижон вилояти ФВБга хабар келиб тушган.
Туман ФВБ раҳбар ходимлари ҳамда 2 та ёнғин-қутқарув экипажи воқеа жойига соат 14:32 да етиб бориб, ёнғин соат 14:35 да қуршаб олиниб, 14:50 да ўчирилган.
Ёнғиндан уйнинг 30 квадрат метр майдони сақлаб қолинган. Ҳолатнинг тахминий сабаби электр симининг қисқа туташуви бўлган.
Ёнғин оқибатида фуқароларнинг тан-жароҳати олиш ва ҳалок бўлиш ҳолатлари қайд этилмаган.
“Ижтимоий тармоқларда тарқалган 3 та уй портлагани ҳақидаги хабар рад этилади, воқеа жойида портлаш рўй бермаган”, — дейилади хабарда.
Изоҳ (0)