Ўзбекистоннинг Истанбулдаги Бош консулхонаси Туркиядаги фуқароларга мурожаат билан чиқди

Ўзбекистоннинг Истанбул шаҳридаги Бош консулхонаси айни вақтда Туркиянинг жанубий вилоятларида бўлиб турган ўзбекистонликларга мурожаат қилди. 

Қайд этилишича, кучли зилзила қайта содир бўлаётгани сабабли фуқаролардан қуйидаги ҳолатларга қатъий риоя қилиш сўралган:

“Агар сиз зилзила  содир бўлаётган вилоятларда бино ичида бўлсангиз ҳужжатлар ва зарур нарсаларни олиб, бинодан тезда чиқинг. Хонадан чиқаётганда лифтда эмас, зинапоялардан фойдаланинг. 
Кўчада қолинг, лекин бинолар ёнида турманг, очиқ жойга ўтинг. Тинчланинг ва бошқаларни тинчлантиришга ҳаракат қилинг”.

Ўзбекистон фуқаролари зарур ҳолларда мамлакатнинг Анқарадаги элчихонасига ёки Истанбулдаги консулхонага мурожаат қилиши мумкин.

Элчихона: +90-538-035-85-34 
Бош Консулхонаси: +90-212-323-20-37, +90-212-323-20-39.