Ўзбекистон элчихонаси кўмагида Шарқшунослик институти ҳамда Миср Китоблар ва миллий архивлар уйи бош ҳайъати ўртасида онлайн музокаралар ташкил этилди, деб хабар бермоқда “Дунё” ахборот агентлиги.
Қайд этилишича, тадбир чоғида икки муассаса ўртасидаги англашув меморандумининг лойиҳаси мутахассислар даражасида муҳокама қилинган.
Учрашув давомида томонлар тарих ва маданият мавзуларини қамраб олган мақолаларни икки давлатнинг илмий журналларида чоп этиш, қўлёзма асарларини биргаликда тадқиқ этиш, уларни тиклаш, электрон нусхаларини олиш, ўзаро конференция ва форумлар ўтказиш ҳамда бошқа йўналишлар бўйича ҳамкорликни кенгайтириш бўйича келишувга эришган.
Англашув меморандуми ўзаро мувофиқлаштирилгани ҳолда имзоланиш учун тайёр ҳолга келтирилган. Мазкур ҳужжатни Ўзбекистон—Миср иқтисодий ва илмий-техникавий ҳамкорлиги бўйича ҳукуматлараро комиссиянинг навбатдаги 7-йиғилиши доирасида имзолаш режалаштирилган.
Изоҳ (0)