Томошабинлар эътиборини фильм бош қаҳрамонларидан кўра ўзининг эпизодик ролига қарата олган Голливуд юлдузлари (фото)
Томошабинларда янада кўпроқ таассурот қолдириш учун сўнгги пайтларда фильм ва сериал ижодкорлари машҳур актёрларни эпизодик ролларни ўйнашга таклиф қила бошлади. Кўпинча бундай рол узоқ давом этмаса ҳам, баъзида улар томошабинларнинг эътиборини тортишга муваффақ бўлишади.
Бред Питт (“Йўқолган шаҳар”, 2022)
Бред Питтнинг Сандра Буллок ва Ченнинг Татум иштирокидаги “Йўқолган шаҳар” фильмида бош ролларни ижро этиши томошабинлар учун кутилмаган ҳодиса бўлди. Питт уддабурон йигит Жек Тренер ролини ўйнайди, у Татум билан Буллок қаҳрамони гаровга олинган оролга саёҳат қилади. Омманинг катта таассуфига кўра, малласоч қаҳрамон пайдо бўлганидек тезда ғойиб бўлади.
Сандра Буллок (“Ўқдан тез”, 2022)
Сандра Буллок ҳам бош ролда Бред Питт бўлган “Ўқдан тез” жангари фильмида эпизод рол ўйнаган. Актриса Питтнинг куратори, лақаби Хонқизи бўлган Мария Битл ролини ўйнади. Фильм давомида у билан телефонда гаплашса-да, Буллок экранда фақат охирги саҳнада пайдо бўлади.
Гап шундаки, Сандра “Ўқдан тез” фильмининг суратга олиш майдончасида ва Бред “Йўқолган шаҳар” фильмида ишлаётган вақтида битта сартарош хизматидан фойдаланган. Айнан у Бредга Сандрани у билан бирга суратга тушиш ғоясини берган. Буллок дарҳол рози бўлади, лекин бир шарт билан: Питт ҳам унинг иштирокидаги картинада ўйнаши керак эди.
Энтони Хопкинс (“Ўғил”, 2022)
Энтони Хопкинс француз драматурги ва ёзувчиси Флориан Зеллернинг 2020 йилги “Ота” бадиий фильмидаги бош қаҳрамон роли учун “Оскар” мукофотига сазовор бўлди. Шу сабабли режиссёр кейинги фильмни суратга олганида, у Хопкинсга ундан кичик, тубдан фарқ қиладиган ролни беради. Актёр фақат бир кадрдагина пайдо бўлади ва Хю Жекман қаҳрамонининг совуққон отаси ролини ўйнайди. Оталар ва болаларнинг абадий муаммолари ҳақидаги фильмда у катта ёшли ўғлини қаттиқ танқид қилади.
Тоби Магуайр (“Бобил”, 2022)
Сўнгги йилларда Тоби Магуайр экранлардан ғойиб бўлди, кейин эса “Бобил” фильмида эпизодик ролда пайдо бўлди. Голливуд фильмининг актёри ва продюсери ғалати рангли ва ёғли сочлари билан мафиянинг ақлдан озган бошлиғи, таниқли ёвуз Жеймс Маккей ролини ўйнади. Картина режиссёри Дамен Шазелнинг айтишича, Магуайрнинг ўзи уч ёки тўртта рол орасидан энг даҳшатли ва ёвуз образни танлаган.
Шарлз Терон (“Болалар”, 2022)
Экранда Шарлз Терон вайрон бўлган бинолар фонида пайдо бўлганда 3-мавсумнинг бошланиши бироз чалкашроқдек туюлади. Аммо бир дақиқадан сўнг, бу сериал ичидаги фильм эканлиги ва у ёвуз суперқаҳрамон Бўрон ролини ўйнаши аён бўлади.
Kiaну Ривз (“Губка Боб қочқинда”, 2020)
Kiaну Ривзнинг мухлислари кадрда тўлиқ кўринмаган бўлса-да, “Губка Боб қочқинда” фильмида актёрни кўрганларида хурсанд бўлишса керак. Актёр Донишманд исмли шўрак (чўлларда кўчиб юрувчи қуриган ўсимлик уюми)ни ўйнайди. Сценарий муаллифи ва режиссёр Тим Хилл тан олганидек, бу мистик персонажни яратишда у Губка Бобнинг маънавий устози сифатида фақат Ривзни тасаввур қилган.
Бри Ларсон (“Marvel хоним”, 2022)
“Marvel хоним” сериали давомида ёш Камала Хон ўзининг севимли суперқаҳрамони Капитан Marvelга қойил қолади. Унинг хонаси қаҳрамоннинг плакатлари билан қопланган ва қиз унинг костюмида маҳаллий CоmicCоn’га бориш имкониятини қўлдан бой бермайди. Аммо катта бувисидан сирли билагузукни олгач, унинг ўзи мўжизавий қудратга эга бўлади.
Якуний саҳнада билагузук ўз-ўзидан фаоллашади ва Камалани қаергадир телепортация қилади, бунинг ўрнига Бри Ларсон унинг хонасида капитан Marvel қиёфасида пайдо бўлади. Ушбу якун Камаланинг саргузаштлари давом этадиган ва, эҳтимол, у ўз кумири билан учрашадиган янги Marvel фильмининг сужетига ишора қилади.
