Илон Маск Starlink тизимларини Туркияга юборишга тайёрлигини билдирди
Америкалик миллиардер Илон Маск SpaceX компанияси Туркияга зилзиладан кейин ёрдам кўрсатиш учун Starlink сунъий йўлдош алоқа тизими терминалларини юборишга тайёрлигини маълум қилди.
Бу ҳақда миллиардер Twitterъдаги саҳифасида ёзди. Унинг тушунтиришича, Starlink ҳозирча Туркия ҳукуматидан терминаллар юборишга рухсат олмаган.
“SpaceX рухсат олиши биланоқ терминалларни жўнатишга тайёр”, — деди Маск твитида.
Starlink is not approved by Turkish government yet. SpaceX can send as soon as approved.
— Elon Musk (@elonmusk) February 6, 2023
6 февраль куни эрталаб Туркиянинг жануби-шарқида Сурия билан чегара яқинида кучли зилзила содир бўлди. Турли хабарларга кўра, Туркияда 76 кишидан ортиқ, қўшни Сурияда эса 100 дан ортиқ одам ҳалок бўлган. Қурбонлар сони ошмоқда. Мингга яқин одам яраланган, кўплаб уйлар тўлиқ ёки қисман қулаган.
Аввалроқ Нигерия Африка давлатларидан биринчи бўлиб Starlink тизимларидан фойдаланиш имкониятига эга бўлганди.
Starlink — дунё аҳолисини кенг кўламда интернет билан таъминлашга қаратилган янги авлод сунъий йўлдош тармоғи. Лойиҳани амалга ошириш 2018 йил февраль ойида бошланган. Унинг мақсади дунёнинг исталган нуқтасида юқори тезликдаги интернетга киришни таъминлаш. Умуман олганда, тармоқни яратишнинг биринчи босқичида 12 мингга яқин сунъий йўлдошни учириш режалаштирилган.
