Тоғ-кон, геология ва саноат хавфсизлигини назорат қилиш инспекцияси Тошкент вилоятида қурилиш крани ағдарилиб кетгани бўйича маълумот берди

Тошкент вилояти Паркент туманида автокран қулаб тушиши оқибатида машинист вафот этганди. Саноат хавфсизлиги давлат қўмитаси ушбу бахтсиз ҳодисани текшириш назоратга олинганини маълум қилди.

Тоғ-кон, геология ва саноат хавфсизлигини назорат қилиш инспекцияси (Саноат хавфсизлиги давлат қўмитаси) ходимлари томонидан дастлабки ўрганишлар натижасида аниқланишича, воқеа 2 февраль куни соат тахминан 10:00 ларда юз бергани аниқланган.

Тошкент вилояти, Паркент туманидаги қурилиш объектида бетон конструксия иккита кран ёрдамида кўтарилаётганда Zoomлион ҚВ55В  русумли автокран қулаб кетган ва натижада кранчи 1985 йилда туғилган С.А. олган тан жароҳатлари туфайли вафот этган.

Юқорида кўрсатилган бахтсиз ҳодисани текшириш Тоғ-кон, геология ва саноат хавфсизлигини назорат қилиш инспекцияси томонидан назоратга олинган ҳамда ҳукуматнинг тегишли қарорига мувофиқ тузилган комиссия иш бошлаган. Комиссия томонидан ўтказиладиган текширув натижалари маълум қилинади.

Мазкур ҳолат юзасидан Паркент тумани ИИБ ҳузуридаги тергов бўлими томонидан Жиноят кодексининг 257-моддаси 2-қисми “а” банди (меҳнатни муҳофаза қилиш қоидаларини бузиш одам ўлишига сабаб бўлиши) билан жиноят иши қўзғатилиб, дастлабки тергов ҳаракатларига киришилган.