Бухорода қадимий тангаларни олиб чиқишга уриниш фош этилди

Бухоро халқаро аэропортида қадимий тангаларни олиб чиқмоқчи бўлган эркак тўхтатиб қолинди. Бу ҳақда ЎзА хабар берди.

Маълум бўлишича, Бухоро—Домодедово авиарейси орқали ҳаракатланаётган фуқаронинг кузатиб борилаётган багажининг рентген тасвирлари божхона ходимларида шубҳа уйғотган.

Мазкур ҳолатда тегишли тартибда божхона кўриги ўтказилиши натижасида хорижий йўналишда ҳаратланган фуқаронинг ҳеч қандай тегишли ҳужжатларга эга бўлмаган ҳолда жами 27 дона тарихий тангаларни олиб чиқишга бўлган уруниши бартараф этилган.

Мавзуга доир: Навоийда ХIX асрга тегишли танга ва қоғоз купюраларни хорижга олиб чиқиб кетаётган шахслар аниқланди.