Қамчиқ довонида юк машинаси ёниб кетди (видео) 

Қамчиқ довонида 4 февраль куни Mercedes-Benz юк машинасида ёнғин содир бўлди. Бу ҳақда Фавқулодда вазиятлар вазирлиги хабар қилди. 

Қайд этилишича, ҳолат шу куни соат 01:53 да А-373 автомобиль йўлининг 227-километрида юз берган. Тошкент—Водий йўналишида ҳаракатланиб кетаётган Mercedes-Benz юк машинасида ёнғин юзага келгани тўғрисида Қамчиқ Maxсус қидирув, ёнғин-қутқарув бошқармасига хабар тушган.

Зудлик билан воқеа жойига ёнғин-қутқарув экипажлари етиб бориб, ёнғин соат 02:28 да тўлиқ бартараф этилган.

Автомашина юк хонасида бўлган маҳсулотларнинг асосий қисми ва ҳайдовчининг ҳаёти ёнғиндан сақлаб қолинган.

Ҳодиса оқибатида тан жароҳати олган ва ҳалок бўлганлар йўқ.