Криштиану Роналду кетма-кет 22-мавсумида гол урмоқда 

“Ан-Насср” ҳужумчиси Криштиану Роналду Саудия Арабистони чемпионатининг 15-турида “Ал-Фотиҳ” дарвозасига пенальтидан гол урди.

Шу тариқа португалиялик футболчи профессионал фаолиятида кетма-кет 22-мавсумда ҳам гол урмоқда. Илк бор 2002 йил рақиб дарвозасини ишғол қилганди.

Криштиану клублар миқёсидаги голлари сонини 702 тага етказди: “Реал”да 450 та, “Манчестер Юнайтед”да 145 та, “Ювентус”да 101 та, “Спортинг”да 5 та ва “Ан-Насср”да битта.