АПЛ. “Ливерпуль” сафарда йирик ҳисобда мағлуб бўлди, “Манчестер Юнайтед”да эса ғалаба 

Футбол бўйича Англия Премьер Лигасининг 22-туридан ўрин олган қатор ўйинлар 4 февраль, шанба куни бўлиб ўтди.

“Вулверҳэмптон” “Ливерпуль”ни ўз майдонида қабул қилди ва 3:0 ҳисобида зафар қучди. 5-дақиқада Жоэл Матип ўз дарвозасини ишғол қилди, 12-дақиқада Крейг Доусон ҳисобни 2:0 кўринишига олиб келди. 71-дақиқада Рубен Невеш “бўрилар”нинг учинчи голига муаллифлик қилди.

“Вулверҳэмптон” очколари сонини 20 тага етказиб, 15-ўринга кўтарилиб олди. “Ливерпуль” эса 29 очко билан 10-поғонани банд этган.

“Манчестер Юнайтед” “Кристал Пэлас” билан баҳс олиб борди. Учрашувнинг 7-дақиқасида Бруну Фернандеш пенальтидан унумли фойдаланиб, ҳисобни очди. 62-дақиқада Маркус Рэшфорд манкунианликларнинг иккинчи голини урди. 70-дақиқада Каземиро қизил карточка олиб, майдонни тарк этди. 76-дақиқада эса Жефрей Шлупп ҳисобни қисқартирди. 

“Қизил иблислар” ушбу ғалабадан сўнг 42 очко билан 3-ўринни эгаллаб турибди. “Кристал Пэлас” эса 24 очко билан 12-поғонадан жой олган.

АПЛ

22-тур баҳси

4 февраль, шанба

“Вулверҳэмптон” — “Ливерпуль” 3:0

Голлар: 1:0 – 5 Матип (автогол), 2:0 – 12 Доусон, 3:0 – 71 Рубен Невеш.

“Вулверҳэмптон”: Жозе Са, Семеду, Доусон, Килмен, Аит-Нури, Матеуш Нунеш, Лемина, Рубен Невеш, Сарабия (Моутинью, 60), Хван Хи Чхан (Траоре, 42), Матеус Куня (Хименес, 60).

“Ливерпуль”: Алиссон, Александер-Арнолд, Матип, Гомес, Робертсон, Байчетич (Эллиотт, 77), Тиаго Алькантара, Кейта (Ҳендерсон, 65), Салоҳ, Гакпо, Нуньес.

Огоҳлантиришлар: Доусон (45), Гомес (75).

“Манчестер Юнайтед” — “Кристал Пэлас” 2:1

Голлар: 1:0 – 7 Бруну Фернандеш (пенальти), 2:0 – 62 Рэшфорд, 2:1 – 76 Шлупп.

“Манчестер Юнайтед”: Де Хеа, Уан-Биссака, Варан, Мартинес, Шоу, Каземиро, Фред, Бруну Фернандеш, Вегорст (Гарначо, 59), Рэшфорд, Антони.

“Кристал Пэлас”: Гуаита, Клайн, Гехи, Ричардс, Митчелл, Шлупп, Хьюз (Локонга, 72), Дукуре, Олисе, Айю (Эзе, 73), Eduар.

Огоҳлантиришлар: Митчелл (45), Шлупп (67), Антони (67).

Четлатиш: Каземиро (70).