Шимолий Корея КХДР Олий халқ йиғини Президиумининг XXIV пленумида давлат сирларини ҳимоя қилишга қаратилган янги қонунни қабул қилди, деб хабар бермоқда Корея марказий телеграф агентлиги.
Қайд этилишича, “Давлат сирларини ҳимоя қилиш тўғрисида”ги қонуннинг мақсади тизим ва тартиб ўрнатиш орқали миллий хавфсизлик ва “социалистик қурилиш”ни ривожлантиришга кўмаклашишдир.
Қонунда айнан нималар “давлат сири” деб ҳисобланишига аниқлик киритилмаган.
Ўз навбатида, жанубий кореялик кузатувчиларнинг Yonhap'га айтишича, қонун чўзилиб кетган иқтисодий муаммолар шароитида давлат назорати ва интизомини кучайтиришга қаратилган бўлиши мумкин.
Жанубий Кореянинг икки Кореяни бирлаштириш вазирлиги бу ҳаракатни Ким Чен Ин режимининг “умумий ижтимоий тартибни мустаҳкамлаш”га қаратилган саъй-ҳаракатлари акси сифатида баҳолади.
Изоҳ (0)